Gwoup gang Gran grif la ki gen nan tèt li Luckson Élan, kontinye ap miltipliye atak kont popilasyon an nan depatman Latibonit.
Abitan nan Vilaj koutang se dènye viktim gwoup gang Savyen an ki kenbe nan gòj popilasyon Latibonit lan.
Plizyè dizèn manm gang lan egzekite 3 moun, blese 5 lòt, boule plizyè kay, volé yon pakèt bèf nan moman atak sa ki mete dlo nan je popilasyon Latibonit lan yon lòt fwa ankò.
Apre atak 3 oktòb la nan Ponsonde kote gang Gran Grif la te touye plis pase 100 moun, manm gang lan anvayi, 27 novanm lan lokalite Savanne Boule, kote yo simaye laperèz.
Nouvo atak sa vini anviwon 2 jou apre otorite yo relouvri komisarya Liancourt an.
N ap fè sonje plis pase 4500 moun mouri e anviwon 2060 lot blese pou ane 2024 la selon yon bilan Nasyonzini.
