Nan yon entèvyou esklizif li bay VOA Kreyòl pandan l te al patisipe nan komisyon Veniz, konseye Prezidansyèl la, pwofite preche inite ant chèf gouvènman an ak konsèy prezidansyèl ki nan yigyang depi apre patisipasyon Ayiti nan asanble jeneral Nasyonzini yo.
"Nou paka nan konfwontasyon", deklare Frinel Joseph ki mande pou 2 branch egzektif yo prime "amonizasyon ak konsètasyon.
Konseye prezidansyèl raple tan ki devan KPT a piti, li paka ap gaspiye l nan chire pit ak Primati.
Mesye joseph fè sonje "7 fevriye 2026, KPT a dwe remèt plas la avèk yon prezidan. Kidonk, nou paka kite tan yo ap pase ban yigyang".
Doktè Joseph pwofite lanse yo apèl fòmèl ak KPT e gouvènman an pou jwenn yon "konsètasyon" ak "amonizasyon" pou peyi a ka avanse.
Ayiti, pou kouwè l ye la ap fè fas ak yon pwoblèm ensekrite grav, kote gang yo kontwole anviwon 85% nan zòn metwopolitèn Pòtoprens lan epi fòse plizyè milye moun kouri kite kay yo.
Yon gwo pwoblèm, konseye prezidansyèl la rekonèt e konprann "ensatisfaksyon" popilasyon an.
Your browser doesn’t support HTML5
Entèvyou Eksklizif : Manm KPT Dr Frinel Joseph