Avoka espesyal k ap pouswiv dosye kont ansyen Prezidan Ameriken Donald Trump pou tantativ ilegal kote li ta chache ranvèse rezilta eleksyon 2020 an pibliye madi yon akizasyon revize.
Nan dosye revize sa a avoka espesyal la konsidere desizyon tribinal ke Kou Siprèm Etazini an te pran, sa pa gen lontan.
Dokiman an, ki gen ladann menm 4 akizasyon yo ki te parèt nan dokiman 1ye Daout 2023 a, "reflete volonte pati akizasyon an pou respekte ak aplike konklizyon ak lòd ki soti nan Tribinal Siprèm lan", se sa pòtpawòl Depatman Jistis, Peter Carr di nan yon deklarasyon.
Deklarasyon an konsènen desizyon ke pi gwo tribinal peyi a te pran nan dat 1ye Jiyè ki rekonèt ke prezidan an gen iminite nan zafè penal, kidonk pwoteksyon nan domèn sa a.