Yon nouvo sondaj opinyon jwenn ke Ameriken divize - selon pati politik yo - nan opinyon yo sou aktivite Prezidan Donald Trump te mennen nan dènye enkilpasyon lajistis anonse kont li.
Sondaj la ke Associated Press reyalize ansanm ak Sant NORC pou Rechèch ak Zafè Piblik, konte apepre mwatye Ameriken ki di swadizan tantativ Trump te lanse pou entèfere nan kontaj bilten eta Jòji yo an 2020 te ilegal.
Sondaj la, ke yo reyalize Lendi anvan enkilpasyon eta Jòji a, montre tou ke apepre mwatye Ameriken apwouve desizyon Depatman Jistis la pran pou enkilpe Trump poutèt jefò li te mennen pou rete sou pouvwa a apre li te pèdi eleksyon 2020 an.