Avoka Trump yo di lòd sa a kouvri twòp bagay e ta mete restriksyon sou dwa li nan kad Premye Amandman konstitisyon an ki garanti libète pou moun eksprime yo.
Avoka ki ap defann kandida ki devan bonè nan eleksyon prezidansyèl 2024la di jij la ta dwe mete yon restriksyon ki pi limite, ki ta anpeche li pibliye sèlman materyèl ke tribunal konsidere kòm "sansib" – tankou kèk dokiman sou gran jiri a – olye de tout prèv ke gouvènman an prezante nan pwosè kote yo akize Trump kòmkwa li te mare konplo pou ranvèse defèt li nan eleksyon 2020 an.
Avoka gouvènman yo di ke yon lòd pwoteksyon – bagay ki kouran nan pwosè kriminèl yo, enpòtan sitou nan ka Trump la akoz li renmen sèvi ak media sosyal. Tribinal la pè pou li pa pataje sou entènèt yon fason ki pa apwopriye enfòmasyon sansib, sa ki ta ka kraponnen temwen yo.
