Mitan teren an ki gen 35 an te di "Mwen te deside mete fen nan karyè mwen kòm yon jwè Foutbòl pwofesyonèl".
Li gen plis pase yon ane depi li pa jwe ak dènye klib li ki se Inter Miami apre yo te retire l nan lis jwè ki pou jwe sezon 2022 a nan MLS, ki se chanpyona Foutbòl Nò Ameriken an.
Jwè a te titilè pou ekip franse a e li te ede ranpòte mondyal 2018 ki te fèt nan Larisi, Matuidi te jwe nan diferan ekip pandan karyè pwofesyonèl li pami yo, Troyes ,Saint-Étienne, Paris Saint-Germain ak Juventus Turin, li genyen 5 tit chanpyon pandan li tap jwe nan chanpyona nan peyi Lafrans e 3 tit nan chanpyon Italyen an.
Li se tou yon finalis pou Euro-2016 ak ekip franse a.
Entènasyonal franse a, te fè 9 gòl nan 84 match li te jwe pou seleksyon nasyonal la.
" Mwen te gen chans jwe nan pi gwo klib Ewopeyen yo, mete mayo seleksyon nasyonal la, mfè kè fanmi mwen konton , Foutbòl se pasyon mwen e imaj sa yo pral rete avè m '",
Milye teren, te jwenn anpil apresyasyon pou nivo je li ak tanperaman li sou teren an li, te tou vin sipòte ekip franse a pandan koup du mond 2022 a nan Katar.