Ajantin ranpòte pou yon 3èm fwa koupdimond Foutbòl FIFA a apre l kale Lafrans 4-2 nan penalite apre pwolongasyon an te fini 3-3. Se yon rankont ki te chaje ak emosyon Ajanten yo make 2 gòl nan premye mitan an.
Franse yo agalize nan 2èm mitan an gras ak 2 gòl Kylian M’Bappé pou yo match la an pwolongasyon. Ak trofe sa a Leo Messi ranpòte dènye tit ki gen lontan depi li t ap fè l filalang apre 5 tentativ. Dènye fwa yon peyi Amerikdisid te ranpòte koupdimond foutbòl FIFA se te Brezil ann 2002.
Lòt 2 koupdimond Ajantin te ranpòte yo se an 1978 e 1986. Franse Kylian M’Bappé make 8 gòl pou l ranpòte soulye dò a. Ajanten Leo Messi make 7 gòl pou l resevwa tit meyè jwè.
Prezidan franse a Emmanuel Macron te asiste defèt Lafrans la.
