Dè milye fanatik kanpe sou 2 bò lari nan mitan lanuit pou wè seleksyon nasyonal Ajantin ki sot ranpote youn nan pi bon final Mondyal Foutbòl yo. Pral gen yon jounen selebrasyon nan Buenos Aires, kapital peyi a pou fete viktwa a.
Manm ekip la, ki te gen a la tèt yo Lionel Messi te souriyan nan moman yo te desann avyon an nan Ezeiza, ki sitye tou pre kapital Ajantin nan yon ti tan anvan 3 zè di maten, Madi.
Messi te premye jwè ki te desann e li te kenbe twofe Mondyal la nan men'l. Li te gen bò kote'l antrenè Lionel Scaloni, ki te kwoke kapitèn ekip la pandan yo te pase bò kote yon pannkat ki di "Mesi Chanpyon yo".
Djaz mizik rock La Mosca te sou plas pou akeyi jwè yo e yo te chante "Muchachos" ki se chante fanatik Ajantin yo ki pa ofisyèl.
