Ansyen Prezidan Etazini Donald Trump retounen Washington Jedi 3 Out, 2 zan edmi apre elekte yo te mete l deyo nan Lamezonblanch apre yon sel manda.
Fwa sa a li tounen Washington antanke akize pou krim federal. Lajistis akize l deske li te vyole lwa Etazini le l te eseye ranvese rezilta eleksyon 2020 an pou l te ka rete sou pouvw a.
Trump, ki demanti li komet okenn krim, konparet devan yon jij nan tribinal federal Washington nan kote yo enkilpe li ofisyelman.
Yo pran anprent li, men yo pa fe foto li, paske moun toupatounan mond nan rekonet li. Akize a, 77 an pral oblije reponn kestyon woutin, pami yo detay pesonel.
Se jij federal Moxila Upadhyaya kap prezide pwosesis la. Trump pral pwobableman plede non-koupab ak akizasyon krim federal yo. Si yon juri jwenn ni koupab, li taka pran plizye zane prizon.
Se jij Tanya Chutkan ki pral prezide pwose a, men dat la poko fikse.
Trump kite klib golf li nan Bedminster, New Jerze epi monte nan avyon li pou l vin Washington pou enkilpasyon an. Trump te kritike ka legal kont li a sou rezo sosyal li an, Truth Social.
Misye deklare: "M pral Washington kounyea pou yo arete m apre mwen te defye yon eleksyon koronpi ke yo vole nan men m. Se yon gran one pou yo arete m paske se pou wou ma p fe l."
