Yon gran jiri, ki fòme semèn pase, ap analize prèv ki devan yo kont akize yo, e komisè gouvènman pou awondisman Fulton, Fani Willis, ki nan tèt delegasyon an, ka anonse akizasyon yo nan mitan mwa Daout.
Trump deja tonbe anba akizasyon nan tribunal 2 fwa nan mwa ki pase yo nan New York ak Florid, Nan New York poutèt li ta achte silans yon vedèt fim porno an 2016, e nan Florid poutèt li ta kenbe dokiman sekrè gouvènman lakay li apre li te kite pouvwa a.
Men ka Jòji a se pa menm bagay.
Li vize pa sèlman Trump, men tou avoka li ak militan politik lokal.
Yon lòt kote, avoka gouvènman ameriken di jedi ke Donald Trump te òdone anplwaye nan kay vakans Mar-a-Lago li pou efase video sekirite depi li te anba ankèt pou konnen si li kenbe dokiman sekrè. Avoka gouvènman yo akize tou yon 2èm manm estaf li kòmkwa li ta ede kache dokiman yo.