Yon anplwaye kap travay nan pwopriyete Mar a Lago ansyen prezidan Donald Trump la nan Florid depi lontan, se dènye moun ki mele nan pwoblèm legal misye yo.
Carlos De Oliveira, ki te konn pake machin deliks manm klib Mar a Lago yo konparèt devan tribinal Florid Lendi kote lap fè fas ak akizasyon la jistis an koneksyon ak sa pwokirè a dekri tankou yon konplo ex-prezidan an te dirije pou efase videyo siveyans ke yo gran juri mande l remèt ba li.
Yo akize De Oliveira tou dèske li bay anketè yo manti.
De Oliveria se dezyem anplwaye Trump ke moun pa konnen ditou, ke lajistis akize an koneksyon ak dosye yap pousuiv ki lye ak dokiman sekrè leta ke Trump te sere lakay li nan Palm Beach, Florid.
Ka De Oliveria a souliyen pakèt dega moun ozalantou Trump yo sibi epi pwoblem legal li yo kap ogmante.
