Ansyen Prezidan Donald Trump deklare Madi lajistis notifye li ke Depatman Jistis la ap mennen ankèt sou jefò li te deplwaye pou ranvèse eleksyon prezidansyèl 2020 an.
Trump anonse nouvèl la sou rezo sosyal li an Truth Social. Li di li te resevwa yon lèt ki di sa Dimanch swa.
Yon lèt konsa kapab devanse yon akizasyon ofisyèl.
Trump te resevwa yon lèt konsa anvan lajistis te akize li ofisyèlman mwa pase a nan yon ankèt separe sou move jestyon dokiman sekrè.
Pwokirè espesyal Jack Smith ap mennen ankèt sou tantativ Trump ak akolit li yo te fè pou bloke transfè legitimate pouvwa a bay Demokrat Joe Biden nan jou ki te debouché sou atak kont Capitol la, 6 Janvye 2021.
