Deklarasyon saa se yon koub 180 degre li fè, apre li te opoze lide pou li ta asepte Washington ekspilse O Meksik migran ki pa Meksiken.
Sheinbaum te di Meksik te aksepte pran plis pase 4,000 migran yo ekspilse, e pifò nan yo se Meksiken.
Donald Trump, ki te enstale kòm prezidan semèn pase a, te pwomèt lap kwape tout imigran ki ap viv Ozetazini san papye.
Lidè gochis la te deja di administrasyon li a pa t dakò pou rekòmanse ak pwogram Al "Ret Tann OMeksik" la, yon pwogram kap pèmèt Etazini voye imigran ki pa Meksiken tounen Meksik pandan y ap fè demach legal pou yo kapab antre Ozetazini.
Sheinbaum te di yo te resevwa nan men Etazini moun ki te rive abò kat avyon sivil.
Jounal Reuters te rapòte vandredi, dapre sous ofisyèl ameriken ak Meksiken, ke Meksik te refize asepte yon vòl lame ameriken an tap opere.
Vòl ekspilsyon sa yo te monte kòlè Brezil ak Kolonbi nan jou ki sot pase yo.
