Ministè enteryè amerken an semèn sa a anile yon direktiv administrasyon anvan yo te genyen ki te anpeche ajan ICE ale nan sa yo rele "zòn sansib", ki gen ladan lekòl ak kote yo adore Bondje.
Minis la deklare "kriminèl yo p ap kapab evade arestasyon yo ankò lè yo kouri al kache nan lekòl ak legliz Ameriken yo".
Nan yon entèvyou ak rezo televizyon ABC Dimanch 26 janvye a, Tom Homan ensiste ke "anpil" manm gang kriminèl salvadoryen MS-13, ki aktif Ozetazini, nan "gen laj 14 a 17 an."
Li te deklare "Ajan ICE yo dwe gen otorite pou deside ke si yon menas egziste pou sekirite nasyonal oswa sekirite piblik nan youn nan kote sa yo, fòk yo gen kapasite pou fè yon arestasyon".
Li kontinye pou l di "Si nou pa montre ke gen konsekans pou tout moun ki antre ilegalman sou teritwa a, nou p'ap janm rezoud pwoblèm ki genyen sou fwontyè a".
