Konpayi ayeryen Spirit airlines demanti enfòmasyon ki ta fè kwè y ap rekòmanse vole sou Ayiti apati 5 mas 2025.
Selon Tommy Fletcher, ki jere kominikasyon pou Konpayi Spirit, "tout sèvis nan Pòtoprens ak Okap kanpe jiska nouvèlòd".
Fletcher ajoute, konpayi a pa fè okenn deklarasyon sou kilè y ap reprann aktivite yo sou Ayiti.
Enfòmasyon sou Avyon Spirit ki ap rekòmanse vole nan syèl Ayiti yo, "pa kòrèk", dapre mesye Fletcher.
N ap fè sonje Konpayi Spirit te kanpe tout aktivite l an Ayiti apre nèg ak zam te vide katouch sou yon avyon Spirit Airlines ki t ap tante ateri nan Ayopò Toussaint Louverture nan dat 12 novanm 2024 la.
Lòt konpayi tankou Jetblue ak American Airlines te kanpe sèvis yo tou sou peyi a.
Pou kounya se sèl Konpayi ayeryen Sunrise ki konekte Haïti (Okap) ak lòt peyi.
