Spirit Airlines mande pwoteksyon nan moman li depoze papye legal pou anonse li fè fayit. Spirit pral eseye re-kanpe sou 2 pye l nan moman lap goumen pou rekipere li apre gwo bès li te sibi pandan pandemi COVID-19 la kote moun pat vreman vwayaje. Met sou sa, tantativ JetBlue tap fè pou l achte Spirit echwe.
Spirit se pi gwo konpayi ayeryen Ameriken ki ofri biyè ki pa koute chè. Li pèdi plis pase $2,5 milya depi kòmansman ane 2020 an e lap fè fas ak gwo peman dèt ki vo plis pase $1 milya pandan ane kap vini an.
Spirit di li espere opere nomalman pandan lap travay sou pwosesis Chapit 11 la pou ke konsomatè yo ka kontinye achte biyè epi pran avyon li yo san okenn enteripsyon.
