Imigrasyon Bahamas di l mennen yon gwo operasyon sou 2 jou pou rive mete men sou gwoup migran ayisyen sa yo.
Nan yon premye tan, otorite yo te arete yon gwoup 21 Ayisyen (15 gason ak 6 fanm). Nan yon 2èm tan, yo te arete yon lòt gwoup 6 migran Ayisyen.
Inite kontwòl imigrasyon Bahamas deklare : "operasyon sa yo montre detèminasyon nou pou n pwoteje fwontyè nou yo epi garanti tout moun respekte lwa imigrasyon nou yo".
Yo akize 27 sitwayen ayisyen sa yo pou antre ilegal ak pwolongasyon pèmi sejou yo.
N ap fè sonje, pandan weekend ki sot pase a, peyi Türk & Caicos te entèsepte anviwon 150 migran ayisyen san papye ki tap tante antre sou teritwa li.
