Sitiyason ensekrite a k ap vale teren nan peyi dAyiti pa anpeche lòt peyi voye sitwayen Ayisyen tounen nan peyi yo, pandan ane 2024 la.
Anviwon 200 mil Ayisyen ki tap viv lòtbò dlo jwenn depòtasyon pou ane 2024 la.
97% nan Ayisyen sa yo soti nan Repiblik Domininikèn, dapre Òganizasyon Human rights Watch (HRW)
ONG a souliye moun sa yo debake nan yon peyi kote gang kontwole 85% nan zòn metwopolitèn Pòtoprens lan.
Grangou ak lamizè
Yon lòt bò HRW fè konnen, ogmantasyon vyolans yo an Ayiti frajilize aktivite ekonomik la nan peyi a
Selon HRW, plis pase 5.4 milyon Ayisyen ap viv nan grangou, sa vle di preske mwatye nan moun k ap viv an Ayiti yo ap viv nan grangou!
Yon grangou kloròks ki pouse anpil timoun antre nan gang
HRW ekri "Grangou ak lamizè fòse plizyè santèn, e menm plizyè milye timoun antre nan gwoup kriminèl, kote yo fòse yo fè zak illegal e kote yo sibi abi, tankou eksplwatasyon seksyèl".
