Gouvènman ayisyen an rann omaj pou ansyen premye minis Rosny Smarth.
Nan yon kominike sou Facebook, chèf gouvènman an dekri Rosny Smarth kòm yon "moun ki te gen konviksyon, kilti e anpati ou pa jwenn fasil".
Pi lwen, Alix Didier Fils-Aimé fè konnen agwonòm Rosny Smarth pat sèlman yon pèsonaj enpòtan nan leta, men l te gen kè-nan-men tou.
Alix Didier Fils-Aimé kontinye pou l di : “Rosny Smarth kite anprent li nan primati a, vizyon l kontinye ap enspire jenerasyon saa ak sa k ap vini yo.”
Premye minis ayisyen an voye senpati l bay fanmi ak zanmi pwòch defen an.
