Prezidan Konsèy prezidansyèl tranzisyon an te rale atik 40 konstitisyon an pou l pa t reponn sou akizasyon ki fè kwè chak manm KPT a benefisye 5 milyon goud chak mwa ; yon sòm ki ta dwe kouvri aktivite ransèyman yo.
Atik 40 sila bay Leta otorizasyon pou li pa kominike sou tout sa ki gen pou wè ak sekirite nasyonal.
« Tren vi nou nan CPT a, nou mete kostim, kravat, wayabèl, nou manje ansanm, nou gen yon eskòt 3 machin, nou ranfòse sekirite lakay nou », se sa reprezantan Fanmi Lavalas nan KPT a te prefere ajoute nan repons li a.
« Mardis de la nation » se yon nouvo inisyativ gouvènman anplas la pou bay enfòmasyon epi fè kominikasyon sou aktivite pouvwa egzekitif la.
