Plizyè inite espasyalize nan lapolis la, tankou SWAT, BRO, BOID elatriye, mennen yon seri operasyon nan plizyè katye nan kapital pou eseye dechouke gang yo nan peyi a.
Nan yon kominike li pibliye sou rezo yo, PNH fè konnen, li fè yon seri entèvansyon nan zòn Fò Nasyonal, Riyèl Widmaer ak Avni Poupla, mèkredi 8 janvye 2025 lan.
Nan operasyon sa yo, lapolis ki te akonpaye ak dwón e materyèl lou " kraze plizyè espas kote gang kriminèl yo te kache pou yo opere pou komèt zak kriminèl"
Sepandan, otorite yo pa mansyone si gen arestasyon ki fèt pandan operasyon sa yo.
N ap souliye, abitan nan zòn metwopolitèn nan, toujou tande gwo kout zam kap chante semèn sa.
N ap fè sonje tou, gwoup gang yo kontwole plis pase 80% nan kapital la, selon dènye bilan Nasyonzini.
