Se nan yon piblikasyon sou Story li sou Instagram, Chapyon tenis lan, anonse, ayè lendi a, separasyon li ak rapè ameriken an, Cordae.
"Bonjou pou nou tout. M te vle jis di mwen ak Cordae nou pa ansanm ankò", Naomi Osaka ekri sou Instagram.
Sepandan, malgre separasyon an, Osaka ki gen 4 tit gran chelem, fè konnen, pa gen "rankin" nan mitan yo.
Pitif fi Leonard François a, fè lwanj pou ansyen mennaj li e deklare, Cordae se " yon bon moun, e yon bon papa".
Rapè a ak Tenniswoman nan gen yon timoun ansanm ki rele Shai ki fèt an jiyè 2023.
2 selebrite yo, ki te rankontre nan yon match Basket an 2019, pase anviwon 5 lane ansanm, avan anons separasyon an.
N ap fè sonje, Osaka gen 2 tit Open Ostrali. Yon konpetisyon Gran chelem li pral jwe semèn pwochèn nan peyi Ostralie.
Jwez tennis lan ki gen rasin li an Ayiti, ranpòte tou 2 fwa US Open lan.
