Fafa Picault ki gen ti non jwèt, "Gazèl" siyen yon kontra pou yon lane ak klèb florid la, ak yon opsyon pou 2026.
Nan deklarasyon li, apre l fin siyen kontra ak klèb Miami a, Ayisyen an fè konnen se yon onè pou li pou l pote mayo Inter Miami.
"Mwen onore pou m entegre yon ekip anbisye tankou Inter Miami. Reprezante badj sa [...] se yon rèv ki vin tounen reyalite". Deklarasyon Fafa Picault.
Bò kote pa l, prezidan operasyon yo nan Inter Miami fè konnen li paka tann pou Ayisyen an jwe pou klèb la.\
"Nou kwè vitès li, kalite l ak eksperyans li nan MLS la ka pote anpil bagay nan liy atak la". Deklarasyon Raúl Sanllehí.
Entènasyonal Ayisyen gen 8 lane nan MLS la kote l fè 58 gòl e bay 30 pas gòl.
Pou dènye sezon an kote l t ap jwe pou ekip Vancouver, atakant 33 zan Ayisyen an fè 10 gòl e bay 8 pas gòl antou.
Nan pakou li nan MLS la, Picault pase nan plizyè klèb, tankou Philadelphia Union (2017-2019), FC Dallas (2020), Houston Dynamo FC (2021-2022), and Nashville SC (2023)
Pou nouvo sezon an, Ayisyen pral rejwen liy atak Inter Miami an ki gen ladan l, chanpyon koup dimond Lionel Messi, ak atakant iregweyen an, Luis Suarez.
