Pou piti 7 moun pèdi lavi yo, yo pa gen nouvèl plizyè lòt, apre inondasyon britsoukou ki frape komin Pòdepè.
Lapli yo ki sakaje vil la, fè anpil "dega", selon sa Laprezidans rapòte nan kominike ayè lendi a.
Pami "dega" vil la sibi akoz gwo lapli ki pwovoke inondasyon sanzatann, se plizyè kay ki detwi oubyen ki andomaje nan vil la.
Laprezidans anonse fòmasyon yon kowodinasyon an ijans pou pote sekou ak viktim inondasyon yo.
Pou fini, biwo laprezidans pwofite voye senpati l ak solidarite ak tout moun ki viktim nan katastwòf sila.
N ap souliye, sèvis meteyo Ayiti pibliye yon nòt kote l prevwa gwo lapli ki ka pwovoke inondasyon sanzatann sou depatmam Nò ak Grandans peyi a.
Otorite yo mande popilasyon an pou rete vijilan e suiv konsèy sekrite yo.
