Lapli k ap tonbe depi anviwon 10 jou sou depatmam Grandans lan, lakoz gwo inondasyon nan lokalite tankou Leon, Dammari ak Ansdeno.
Inondasyon sa yo pote ale jaden peyizan, ak yon kay, selon sa Momquellé fè konnen.
Nan bilan li prezante ak laprès, madame Christine Momquellé fè konnen, gen 13 moun ki blese, 3 lòt moun disparèt, san konte dega materyèl ki gen nan vil la.
Pami blese yo, gen 8 timoun, selon Direktris pwoteksyon sivil Grandans lan ki pwofite mande konkou lòt antite yo pou ede viktim yo.
Yon lòt bò, gwo lapli yo pwovoke deboulonnay tè ki bloke wout ant chanbelan ak lèziwa.
Direksyon pwoteksyon sivil grandans nan tèt kole ak travo piblik rete an mouvman pou eseye ede viktim inondasyon yo nan vil Jeremi
