Komite Etik Kongrè Etazini vote an sekrè pou pibliye rapò moun tap tann depi lontan sou konpòtman ex-depite Matt Gaetz.
Mezi a ke panèl bipatizan an - setadi Repibliken ak Demokrat - pran an soulve posibilite pou yo pibliye akizasyon kont Repibliken Florid la ke Prezidan-eli Donald Trump te nomen kom premye chwa li pou pòs minis jistis Etazini.
Panèl la te pran desizyon an pi bonè nan mwad Desanm nan, dapre yon moun ki familye ak vòt la men ki pat gen otorizasyon pale piblikman sou kestyon an. Moun sa a mande pou yo pa site non li.
CNN te premye medya Ameriken ki te fè repòtaj sou vòt la.
Gaetz kritike desizyon an nan yon mesaj piman bouk li mete sou rezo sosyal yo. Li demanti yon lòt fwa ankò ke li te vyole okenn lwa.
