Prezidan-eli Donald Trump chwazi Pam Bondi, ansyen minis jistis Florid pou pòs minis jistis Etazini. Li anonse desizyon an kèk hè sèlman apre premye chwa li pou pòs sa a, Matt Gaetz te wetire nominasyon li.
Bondi se yon alye Trump depi lontan e li te fè pati ekip avoka li pandan premye pwosè enkilpasyon li kote Kongrè a tap eseye wetire l sou pouvwa a.
Bondi kritike souvan pwosè kriminèl kont Trump yo.
Li se youn nan direktè Enstiti Premye Politik Amerik la, ki se yon òganizasyon ansyen anplwaye administrasyon Trump la monte.
Gaetz deside bay vag akoz pale anpil ki te soulve sou yon envestigasyon trafik sèks ki te jete dout sou kapasite li pou jwenn konfimasyon Sena a kòm responsab jistis pi wo plase peyi Etazini.
