Lapolis fè yon gwo kou pandan weekend nan nan batay l ap mennen kont gang yo nan Pòtoprens.
Nan kad yon operasyon gwo ponyèt lapolis mennen nan kapital la, fòs lòd yo rive netralize plizyè manb gang kowalisyon "Viv ansanm " nan, ladan yo Jeff Mafia ki se bra dwat chèf gang Jimmy Chérizier, A.K.A Barbecue.
Pòt pawòl PNH la, Lionel Lazarre, konfime nouvèl la e dekalre "plizyè bandi mouri nan twoke kout zam ak lapolis, ladan yo Kendy, Alyas Jeff Mafia"
N ap fè sonje ayè dimanch lan, Pòtoprens te cho e te leve anba katouch gwoup nèg ak zam ki te atake plizyè katye nan kapital la, tankou, Pòsmachan, Avni Poupla, delma, Nazon, elatriye.
Nan moman atak sa yo, bandi yo boule yon legliz nan katye Pòsmachan.
Lapolis pwofite renouvle angajman l pou l kontinye batay kont gang yo nan lide pou tabli lapè ak sekirite nan peyi a
