Emmanuel Vertilaire, Louis Gérard Gilles ak Smith Augustin, se non twa manm konsèy prezidansyèl la non yo site nan yon eskandal koripsyon BNC a.
Selon Raoul Pierre-Louis, ki se ansyen prezidan konsèy administrasyon BNC a,
Twa konseye prezidansyèl yo ta fè presyon sou li pou l ba yo 100 milyon goud, si l ta vle rete nan tèt konsèy administrasyon BNC.
Yon akizasyon konseye prezidansyèl voye jete byen lwen.
Jij Felisme ki ap ankete sou dosye yo konvoke ni twa manm konsèy prezidansyèl yo, ni Raoul Pierre-Louis pou fouye zo nan kalalou.
Chak konseye yo gen dat diferan pou vin reponn kesyon Jij Benjamin Felisme nan kabinè enstriksyon.
N ap fè sonje konseye prezidansyèl ap fè fas ak akizasyon abi fonksyon, podven ak koripsyon pasiv.
