Nan yon kominike li pibliye sou rezo yo, misyon miltinasyonal la, ki gen nan tèt li peyi Kenya, revele patisipasyon l nan entèvansyon gason pa kanpe sa anba Delma pou kwape bandi yo.
MMS la fè konnen li rete detèmine pou l demantle rezo gang yo nan peyi a.
Pou kounya MSS la oubyen PNH pa kominike bilan operasyon yo anba Delma ayè dimanch lan.
Sepandan, n ap fè sonje, 2 manm Kowalisyon "viv ansanm" te tonbe nan boukantay kout zam ak Lapolis, jedi pase a anba delma nan kad yon operasyon fòs lòd te mennen nan katye sa.
Yon lòt bò, lapolis la ki ap batay nan plizyè katye kont gang yo rive kase fe 4 prezime bandi nan Kenskòf.
Sèvis kominikasyon PNH la anonse fòs lòd yo sezi yon machin ak 2 zam nan kad operasyon sila nan lokalite Belo ki twouve li nan komin Kenskòf.
Otorite yo renouvle angajman pou retabli lòd ak lapè sou tout teritwa nasyonal la.
