Ajans Nasyonzini an di li deplore jan kantite timoun ki ap entegre gang yo ogmante pou ane 2024 la.
Selon Unicef, kantite timoun ki antre nan gang pou ane 2024 la ogmante 70% parapò ak ane 2023 a.
Yon sitiyason grav ki montre aklè jan kriz la afekte timoun yo nan peyi a e jan timoun yo vilnerab.
Ogmantasyon vyolans yo nan peyi a, lamizè ki blayi toupatou melanje ak yon mank aksè pou jwenn edikasyon, fasilite gang yo rekrite timoun yo an mas.
Anpil timoun antre nan gang yo ak espwa pou sipòte fanmi yo, gen lòt ki antre akoz menas k ap peze sou tèt yo.
Catherine Russell, ki se Direktris UNICEF la deklare "Timoun yo tonbe nan pyèj : gwoup gang yo rekrite timoun yo, pwomèt y ap satisfè dezi yo, sa ki ogmante kantite timoun ki fè pati de gang yo."
UNICEF pwofite lanse yon apèl ak tout sektè an Ayiti pou pwoteje timoun yo.
Pou Unicef, "sekirite ak byennèt timoun yo dwe priyorite tout aktè yo sou teren an"
