Entènasyonal ayisyèn nan ki sot manje ak yon grenn sèl ekip AS Roma a nan lig chanpyon yo, ede ekip Lyon pase yon rakle a Saint Étienne (11-0) pou 8èm jounen chanpyona a.
Melchie Dumornay, ki pat kòmanse match la kont Saint Étienne, fè yon gòl nan festival ofansif Lyon an
Jeni Ayisyen an te reyalize 9è gòl nan match.
Grenadyè a amòti yon balon ak pye dwa li nan manch malèt la, kore defansèz la, epi deklanche yon manman penmba nan kan an... pou enskri 6èm gòl li nan chanpyona Lafrans lan.
Ekip Lyon a ap mennen tanbou batan D1 Arkema a avèk 22 pwen, 9 pwen anplis ekip FC Fleury a ki bat ekip Le Havre la (2-0) grasa espesyalman yon gòl Batcheba Louis fè.
Atankant Ayisyèn nan, Batcheba Louis, fè yon gòl nan fen premye mitan an pou ede FC Fleury kale ekip Le Havre la
Batcheba Louis fè 4èm gòl li nan chanpyona a.
Pou 9èm jounen an Batcheba Louis ak FC Fleury ap resevwa ekip Paris FC a vandredi k ap vin la, tandiske Corventina ak Lyon ap vizite Le Havre samdi 23 novanm 2024 la
