Nan yon kominike pou laprès, depatman Eta Ameriken an anonse Biwo Afè Entènasyonal Nakotik ak Aplikasyon Lalwa (INL) te pote "ekipman enpòtan", tankou machin blende, pou bay fòs lòd yo jarèt.
Ekipman yo rive an Ayiti, soti 28 oktòb pou rive 3 novanm 2024.
Nan kominike a, depatman eta ameriken fè konnen "Machin blende yo rive [...] pou double flòt MMSS la epi amelyore deplasman ansanm ak lòt fòm asistans"
Misyon miltinasyonal la ki gen nan tèt li peyi Kenya, sou teritwa Ayiti depi mwa jen 2024 kote y ap ede Polis Nasyonal Ayiti a goumen kont gang yo.
Fòs miltinasyonal la ak PNH mennen plizyè operasyon gwo ponyèt an Ayiti, tankou Latibonit ak Solino, pou kwape gwoup nèg ak zam yo.
Nouvo ekipman sa yo ap pi byen ekipe MMSS la pou sipòte jefò PNH la nan batay l ap mennen kont gwoup gang yo.
Pou fini, Etazini di li "rete agaje pou l ede pèp ayisyen an atenn estabilite"
