Yon responsab Ayisyen di yon afè 50 prezime gang mouri semèn sa a apre yo atake yon vik ki sitye tou kòt la tou pre Pòtoprens.
Manm Ajans Pwoteksyon Sivil la, Wilner Réné, di Radio Caraibes Jedi ke pami viktim yo gen omwens yon douzèn moun ki mouri neye apre bato yo charive pandan yo tap transpòte minisyon pou gang kap lanse atak kont vil Archahaie.
Li di atak la tanmen Lendi apre bandi yo te boule kay ak machin moun Archaie yo. Vil sila a sitye nan nodwès Ayiti.
Yo blame kowalisyon gang Viv Ansanm lan, ki sible kominote nan Pòtoprens tou pandan jou ki sot pase yo pou atak sa a.
Ogmantasyon nan zak vyolans gang yo vini kèk mwa sèlman apre misyon LONU apiye ke Kenya ap dirije komanse travay ak Polis Nasyonal Ayiti a. Misyon miltinasyonal la gen kòm misyon pou kwape gang ame ki kontwole plis pase 80% Pòtoprens.
Gen plis pase 700,000 moun ki ap viv nan lari, plizyè milye mouri epi prensipal ayeropò Pòtoprens la te oblije fèmen pou preske 3 mwa pi bone ane sa a akoz zak vyolans gang yo.
Gouvènman Ameriken an ak responsab wo plas Ayisyen yo lanse avètisman pou di misyon Kenya ap dirije a bezwen plis moun e li manke finansman. Yo mande pou yon misyon mentyen lapè Nasyonzuni ranplase li.
