Nan Solino, Ponsonde, Akayè... anpil sitwayen oblije mare pakèt yo pou yo kite zòn yo akoz atak nèg ak zam.
Kantite sitwayen k ap kouri akoz vyolans yo ogmante de 22% selon sa chef Biwo entegre Nasyonzini an Ayiti (BINUH) an fè konnen.
Maria Isabel Salvador ki te pran lapawòl nan reyinyon konsèy sekirite Nasyonzini an, ayè madi 22 oktòb la, eksplike sitiyason an pa amelyore nan peyi a, malgre prezans fòs miltinasyonal lan.
Pou chèf BINUH an, deplwaman misyon miltinasyona la, se yon bon bagay, men sa pa sifi pou rezoud pwoblèm yo.
Maria Isabel Salvador deklare misyon miltinasyonal la pa jwenn "ase finansman", malgre tout pwomès lajan ak asirans otorite konsène yo te bay.
"Chemen an chaje pikan. Men BINUH ak patnè l yo ap kontinye bay sipò l" selon sa chèf BINUH an deklare
