Apre yon kolaborasyon eksplozif an 2017 sou mòso “kansè” a, 2 atis yo retounen ankò ak yon bèl mizik ki gen pou tit « Tolere w ».
Se diva Ayisyèn nan ki fè ansons lan sou paj rezo sosyal li yo, tankou Facebook kote l pibliye lyen nouvo mizik li a.
« Lavi kout, lanmou long, depi pa gen lanmou jete w », Rutshelle ekri sou Facebook pou l pale de mizik li fè ak anyen chantè Carimi an.
Yon pawòl ki nan « lyric » oubyen tèks nouvo mizik lan ki disponib sou platfòm streaming yo.
Yon bèl konpozisyon kote 2 gwo atis nan endistri mizikal ayisyen an ekspoze talan yo sou yon mizik ki gou, ki gen gouv e ki bay anvi danse.
« Mwen fyè de nouvo mizik sa, paske li sot lwen », Richard Cave deklare sou Instagram kote li anonse videyoklip mizik lan pou jodi madi a a 8è nan aswè.
