Apre 2 sezon li pase nan peyi Israel kote l t ap jwe pou Ekip Maccabi Haifa, Frantzdy Pierrot, ki siyen pou 3 lane ak AEK Athènes, pa pran tan pou l adapte l konplèman nan ekip kapital la.
Bitè a ki mezire 1.82 kòmanse fè yon gòl depi sou premye match li.
Devan plizyè milye espektatè ki te fè deplasman an nan estad OPAP, entènasyonal ayisyen an montre tout pisans li ak sa l peze nan liy atak AEK Athènes nan.
Apre 22 minit, Pierrot ki resevwa son sant ki tap sot sou bò dwat la, vole byen wo pou l fè yon kout tèt pou foure balon an nan kan an, magre prezans plisyè defansè nan sifas reparasyon an.
Atakan ayisyen an ki te byen please rive twonpe gadyen ekip Volòs la epi ouvri eskò a pou nouvo ekip li a pou plezi fanatik yo ki te andyable.
Yon bèl gòl ak yon gwo pèfòmans, depi sou premye match li avèk AEK Athènes. Ekip kapital la genyen match la (2-0).
Se Aboubakary Koita ki te fè dezyèm gòl ekip la.
Apre match la, kominote, manb ak ofisyèl ki la pou sa, vote epi bay Frantzdy Pierrot twofe pi bon jwè match la.
Viktwa sa ki pote mak Kapwa a, pèmèt ekip AEK Athènes nan pran premye plas la nan klasman chanpyona a avèk 10 pwen pou twa match li jwe.
Pou 5e jounen chanpyona a, Frantzdy Pierrot ak koepkipye l yo ap deplase sou teren Apostolos Nikolaidis pou afwonte ekip Kallithea dimanch k ap 22 septanm 2024 la.
