Sekretè d Eta Antony Blinken mande Jedi pou renouvle manda Nasyonzuni pou yon misyon sekirite entènasyonal pou ede Ayiti konbat gang ame ki finn pran kontwòl pi fò kapital la ak plizyè lòt rejyon peyi a.
Manda misyon an, ke yo te apwouve pou 12 mwa, dwe ekspire 2 Oktòb, men li pa bay anpil rezilta. Gen yon ti gwoup twoup sèlman ki rive Ayiti e misyon an resevwa bokou mwens finansman pase sa yo te espere.
Blinken di jounalis yo pandan yon konferans pou laprès nan Pòtoprens: "Nan moman kritik sa a nou bezwen plis finansman, plis pèsonèl pou kore misyon an epi atenn objektif yo."
Blinken di li gen entansyon òganize yon reyinyon ministeryèl nan Asanble Jeneral Nasyonzuni an mwa sa a pou ankouraje plis kontribisyon finansye epitou renouvle manda misyon an.
Blinken di yon misyon mentyen lapè LONU taka yon opsyon pou atenn rezilta sistenab.
Blinken di: "Gen anpil travay ki rete pou fèt e nou pran angajman pou n kontinye. Nou komanse fè pwogrè."
Blinken te rankontre Premye Minis Garry Conille ak chèf Konsèy Prezidansyèl Tranzisyon an, Edgard Leblanc Fils pandan vizit li. Li te anonse tou yon lòt $45 milyon asistans imanitè pou Ayiti.
