Opozisyon venezuelyen an revandike viktwa li nan eleksyon prezidansyèl la nan lannwit dimanch pou ouvri lendi, kote li bay asirans ke kandida li a Edmundo Gonzalez Urrutia genyen ak 70% vwa, e konsa opozisyon an refize rekonèt rezilta ke Konsèy Elektoral Nasyonal la (CNE) ki di se prezidan sòtan an Nicolas Maduro ki genyen.
Lidè opozisyon an Maria Corina Machado di nan yon deklarasyon pou laprès nan Caracas : "Nou genyen" ak "70% nan vwa", "Venezuela gen yon nouvo prezidan eli e se Edmundo Gonzalez Urrutia".
