Otorite yo nan eta Missouri te bay prizyone David Hosier ki gen 69 an, piki ki gen pwazon ladann e yo te pwononse li mouri a 6:11 p.m.
Sa a se dezyèm ekzekisyon ki fèt depi kòmansman ane a nan Missouri ak setyèm Ozetazini, anplis de egzekisyon ki te anile nan dènye minit 28 fevriye pase a nan eta Idaho, akòz yo pat administre piki a nan tan ki te korèk e te vin gen poblwèm legal.
David Hosier, yon ansyen ponpye ki te sèvi nan la marin Etazini an, te jwenn kondansyon li an 2013 pou asasina Angela Gilpin, e Hosier te toujou di ke li te inosan nan dosye sila.
Gouvènè Repibliken eta a, Mike Parson, te rejte dènye apèl pou klemans, sitou nan men lejislatè Demokratik yo nan Missouri, ki te diskite ke David Hosier te soufri blesi nan sèvo nan moman krim sa a ke jiri a pa t 'okouran de sitiyasyon sa lè yo te bay vèdik la.
Gouvènè a te di nan yon deklarasyon Lendi, David "Hosier te touye Angela ak Rodney Gilpin nan yon apatman nan Jefferson City, nan Missouri, pandan li te pete yon jalouzi".
Li te ajoute ke "Okenn tribinal pa janm jwenn okenn erè nan kondanasyon akize a".
An 2023 gen yon total de 24 ekzekisyon ki te fèt nan Ozetazini tout pa piki.
Penn lanmò a te aboli nan 23 sou 50 eta Ameriken yo (Arizona, Kalifòni, Ohio, Oregon, Pennsylvania, ak Tennessee) obsève yon moratwa sou ekzekisyon sou desizyon gouvènè a.
