Relasyon ant de Kore yo ap travèse youn nan moman ki pi difisil nan ane ki pase yo.
Nan semèn ki sot pase a, Pyongyang te voye plizyè santèn balon ki chaje ak fatra tankou bout sigarèt, papye ijenik, e menm pou-pou bèt, kay vwazen li Kore di Sid, nan sa li dekri kòm yon repons li a pwopagann ke plizyè aktivis ap fè kont Kore Di Nò, kote yap voye feyè oswa kle USB, kont ki gen mesaj kont rejim Kore di Nò.
Dapre lame Kore di Sid la, yon gwo kantite balon fatra te soti nan pati nò a lannwit dimanch pou rive lendi.
Yon eta Majò nan pati sid la te di, "Malgre yo te voye plis pase 310 balon, anpil nan yo te rete nan direksyon Kore di Nò," e ajoute ke apeprè 50 balon te ateri nan Sid la jiska kounye a.
Yon anplwaye te di ke balon sa o ki sot kay vwazyen yo chaje fatra tankou papye ak plastik, men pa okenn materyèl toksik nan balon sa yo.
