Pòtpawòl Depatman d Eta, Matthew Miller deklare Lezetazini atann ni aske konsèy tranzisyon an komanse fonksyone talè konsa.
Miller deklare: "Dapre akò yo te anonse yè, nou atann nou aske yo nomen manm konsèy tranzisyon an nan pwochen 24 a 48 he, e yo va pran mezi pou nomen yon premye minis enterimè apre sa."
Jounalis yo mande misye kilè Ariel Henry pral demisyonen egzakteman?
Miller reponn: "Nou atann nou aske li demisyonnen apre yo nomen nouvo premye minis la. Donk yo pral nomen konsey tranzisyon an dabò; apre sa yo va nomen yon premye minis pa enterim. E li va rete kòm premye minis jiskaske yon premye minis enterime pran pozisyon an."
Pòtpawòl la di Etazini trè rekonesan devan CARICOM pou wòl kle li te je nan pwosesis la, patikilyèman Premye Minis Jamayik, Andrew Holness. Li remèsye tou Prezidan Guyana, Mohammed Irfaan Ali, ki se prezidan aktyel CARICOM, Premye Minis Barbad la ak Gwoup Pesonaj Eminant CARICOM nan.
"Nou bat bravo pou anons ki fèt ye a sou strikti gouvenans tranzitwa a an Ayiti, ki pare chimen an pou yon transfe pouvwa pasitik, kontinuite gouvenans, yon plan d aksyon pou tabli sekirite a kou tem, epi deplwaman Misyon Sipò Sekirite Miltinasyonal la, ak preparasyon eleksyon lib e onèt."
Miller souliyen kestyon ensekirite a preokipe Etazini anpil, e ke se poutèt sa yap travay ansanm ak lòt peyi pou deplwaye misyon MSS la pi vit posib.
Korespondan VOA nan Depatman d Eta, Nike Ching, kontribye a repòtaj sa a
