Yon jij nan New York pare teren, ayè jedi, pou premye pwosè kriminèl kont yon ansyen Prezidan Etazini, kote li rejte demann Donald Trump pou anile akizasyon ki di Trump te falsifye dosye biznis li pou kache yon lajan li t ap peye yon vedèt fim porno anvan li te antre an 2016 nan kous ak siksè pou ale nan Mezon Blanch.
Jij Juan Merchan, malgre Trump te di ke yon pwosè ta jennen kanpay li pou tounen prezidan nan eleksyon mwa Novanm nan, jij la di ke tribinal la ap koumanse chwazi manm jiri yo 25 Mas ki ap vini an.
Olye de mennen kanpay, Trump ap gen pou li prezante nan tribinal chak jou lasemenn pou petèt 6 semenn, dapre sa kèk avoka nan pwosè a predi.
