Anbisyon prezidansyèl Robert Kenedy Jr debouche sou yon dram lafanmi an piblik, apre yon komite aksyon politik te mete deyò yon reklam SuperBowl ki pale de eritaj fanmi pati Demokrat la, kote li konpare kandida endepandan an ak tonton li kidonk mon oncle li, ki te mouri asasinen, an palan Prezidan John F. Kennedy.
Spot la ki dire 30 segonn, ke Super Pac American Values 2024 te finanse, te moutre vèsyon redui yon chante kanpay ke 35èm prezidan an te konn itilize nan kanpay li an 1960. Men, yon diferans ak Pati Demokrat nan tan Prezidan Kennedy a, spot la ekzòte Ameriken yo pou yo “Vote Endepandan”.
Apre match la, Kennedy te reponn moun ki te kritike li sou entènèt, pami yo yon kouzen li, pou li ensiste ke se pa ekip kanpay li ki te pwodui spot la, ki koute yon afè 7 milyon dola.
