Kou Siprèm Etazini di li va tande apèl ki taka defèt konplètman akizasyon lajistis federal lanse kont plizyè santèn moun ki te patisipe nan atak kont Capitol la, 6 Janvye 2021 - pami yo ansyen Prezidan Donald Trump.
Jij yo bay konsantman yo Mèkredi, pou revize desizyon yon kou d apèl sou akizasyon 3 moun Texas, Pennsilvani ak Nouyòk ke lajistis akize dèske yo te eseye bloke yon pwosesis ofisyèl.
Akizasyon an fè referans a pwosesis sètifikasyon Kongrè a de viktwa elektoral Joe Biden te ranpòte nan eleksyon prezidansyèl 2020 an sou Trump.
Se youn pami 4 chèf akizasyon lajistis lanse kont Trump nan kad pwosè mèt espesyal Jack Smith la, ki akize ex-prezidan Repibliken an dèske li te konplote pou ranvèse rezilta eleksyon an.
Menm akizasyon sa a ap peze sou do plis pase 300 akize ki konekte ak atak 6 Janvye a ki te lakoz plizyè moun te mouri.
