Se yon bagay moun tap tann depi lontan, nan moman kriz imanitè Ayiti a ap vinn pi grav chak jou.
LONU pran sanksyon kont Renel Destina, ke yo kwè se prensipal lidè gang Grand Ravine nan; Vitel'homme Innocent, ke yo kwè ap dirije gang Kraze Baryè a, Johnson Andre, chèf gang 5 Segond, epi Wilson Joseph, dirijan 400 Mawozo.
Depatman Trezò Etazini anonse Vandredi tou, nouvo sanksyon kont menm endividi sa yo.
Sivivan zak vyolans gang yo idantifye Andre ak gang li kòm responsab pou 1,035 ka vyolans seksyèl nan ane 2022 a, dapre deklarasyon Depatman Trezò a pibliye.
