Avoka konsevate John Eastman, ki te pwomouvwa yon plan pou kenbe Donald Trump sou pouvwa a, rann tèt li bay otorite eta Jòji yo an koneksyon ak yon ka ki akize l dèske li te mele nan yon konplo pou ranvèse rezilta eleksyon prezidansyèl 2020 an ke Donald Trump te pèdi.
Eastman prezante tèt li nan prizon Awondisman Fulton Madi kote yo te arete li epi apre sa lage li sou kosyon.
Eastman ta gen pou l konparèt devan yon jij kote li va plede ofisyèlman si li inosan ou koupab.
Lajistis Jòji akize Eastman ansanm ak Trump ak 17 lòt akolit, dèske yo te konplote pou detounen volonte elektè Joji yo nan yon tantativ dezespere pou anpeche Joe Biden pran pouvwa a.
