Lidè wo plase nan Karayib la gen pou yo fè deba semèn sa a sou sityasyon kawotik peyi d Ayiti kap vin pi grav chak jou ak enpak sa genyen sou rejyon an.
Gen kèk peyi ki plenyen pou di migran ap rive lakay yo san pran souf akoz zak vyolans yo an Ayiti.
Rankont blok komèsyal Karayibeyen CARICOM nan, ki pral dire 3 jou, ap komanse Mèkredi nan peyi Bahamas.
Pandan rankont la 15 peyi manm gwoup la pral fè efo pou we si yo ka pran tèt prensipal aktè Ayisyen yo pou yo jwenn yon konsansis sou oganizasyon eleksyon yo. Yo kwe gen plis chans pou sa fèt nan yon peyi neut.
Minis afè etranjè Ayisyen an lanse avètisman pou di ensekirite a an Ayiti ogmante e ke sa pral afekte peyi vwazen yo.
