Sena peyi Tailand vote ak yon gwo majorite Madi an favè yon pwojè lwa ki ta legalize maryaj ant moun ki gen menm sèks.
Sete dènye defi ki te poze pou lwa sa a e savledi Tailand apre tounen premye peyi nan sidès Azi ki apwouve yon lwa konsa.
Pwojè lwa a adopte Madi ak 130 vòt an favè pami 152 manm Sena a ki te asiste sesyon palman an. Gen 4 senatè ki vote kont, epi 18 pa vote ditou.
Kounyea a fòk wa peyi a apiye lwa a.
Tailand ap tounen twazyèm peyi an Azi apre Taiwan ak Nepal ki pèmèt omoseksyèl marye. Pwojè lwa egalite maryaj la akòde dwa legal konplè ansanm ak dwa finansye ak medikal pou moun marye kèlke sa jan yo.
Chanm bas palman an te apwouve l alèz alèz nan mwad Avril la.
