Lapolis te fè yon pakèt arestasyon nan inivèsite nan tout peyi a, pafwa yo te sèvi ak gaz chimik e ak taser pou dispèse manifestasyon kont lagè Izrael ak Hamas la.
Biwo Prezidan Inivèsite Columbia a ki baze nan New York, Minouche Shafik, pibliye yon kominike a 11:07 yè swa, kote li te wete dèle minwi an pou manifestan yo defèt yon gwo kokenn kan ki gen apeprè 200 etidyan.
“Chita-koze-yo moutre gen pwogrè e yo ap kontinye jan nou te planifye yo. Nou gen ekzijans pa nou; yo gen pa yo,” se sa deklarasyon an di. Li demanti ke inivèsite a te rele lapolis vil New York sou kanpis la.
